28.5 C
Chennai
Tuesday, November 24, 2020
Home உலகம் உலகில் மிகவும் அழகான 10 சாலைகள்!

உலகில் மிகவும் அழகான 10 சாலைகள்!

இந்த ஓவர்சீஸ் நெடுஞ்சாலை புளோரிடாவின் பிரதான நிலப்பகுதியிலிருந்து கீ வெஸ்ட் வரை நீண்டுள்ளது. இந்த சாலையில் பயணிக்கையில் கடல் நீரை பார்த்தவாறு கடக்கலாம்.

NeoTamil on Google News

சில பயணங்கள் சிறப்பாக இருக்க அதன் நோக்கங்கள் அழகாக இருக்க வேண்டிய அவசியம் இல்லை. நீங்கள் செல்லும் சாலைகள் அழகாக இருந்தால் போதும். நீங்கள் பயணிக்கையில் ஜன்னல் ஓரம் அமர்ந்து சாலையை ரசித்தால் அது உங்கள் மனதை பூரிப்படைய செய்யும். அப்படிப்பட்ட சாலைகளை இங்கு தெரிந்துக் கொள்ளுங்கள்.

1. மில்ஃபோர்ட் சாலை, நியூசிலாந்து

தெற்கு ஆல்ப்ஸின் மையமான ஃபியார்ட்லேண்ட் தேசிய பூங்கா வழியாக செல்லும் 144 மைல் நீளம் கொண்ட சாலை மிகவும் அழகாக தோற்றமளிக்கிறது. இது மாநில நெடுஞ்சாலை 94 ன் ஒரு பகுதி. மேலும், இந்த சாலை டீ அனாவை மில்ஃபோர்டு சவுண்டோடு உடன் இணைக்கிறது. இதை படப்பிடிப்பு தளமாக பலரும் அங்கீகரித்துள்ளனர். மலைக்காடுகள், ஏரிகள் ஆகியவற்றை இந்த சாலையில் நீங்கள் தெளிவாக காணலாம்.

world most beautiful highways
(Tourism New Zealand)

2. இயற்கை நெடுஞ்சாலை 12, உட்டா

5,000 முதல் 9,000 அடி கடல் மட்டத்தில் இருந்து உயரத்தில் இந்த சாலை காணப்படுகிறது. கரடு முரடான நிலப்பரப்பு முழுவதும் காணப்படும் இந்த சாலையில் 12 வளைவுகளுடன் 124 மைல் கரடுமுரடான நிலப்பரப்பும் காணப்படுகிறது. பிரான்ஸ் கனியன் மற்றும் கேபிடல் ரீஃப் தேசிய பூங்காக்களுக்கு இடையே இந்த நெடுஞ்சாலையை அமைக்க நான்கு மாதங்கள் ஆனதாக கூறப்படுகிறது.

இந்த வழியில் பயணித்தால், US-89 அல்லது நெடுஞ்சாலை 12-உடன் இணைக்கிறது. அத்துடன் இந்த சாலையில் பயணித்தால், டிக்ஸி தேசிய வனப்பகுதி, கோடாக்ரோம் பேசின் மாநில பூங்கா, கிராண்ட் ஸ்டேர்கேஸ்-எஸ்கலான்ட் தேசிய நினைவு சின்னம் மற்றும் அனாசாஜி மாநில பூங்கா உள்ளிட்டவை காணலாம்.

highways 2
Utah Office of Tourism

3. Jebel Hafeet மலை சாலை, ஐக்கிய அரபு நாடுகள்

ஏழு மைல் நீளத்தில் காணப்படும் இரண்டாவது மிக நீளமான சாலை இது. Jebel Hafeet மலை சாலையில் பயணிப்பவர்களுக்கு அல் ஐன் நகரத்தின் பரந்த காட்சிகளை பார்க்க முடியும். இந்த சாலை சுண்ணாம்பு மலை வழியாக செதுக்கப்பட்டு மலையின் உச்சியில் முடிவடைகிறது. மலை உச்சியில் உணவகம் ஒன்றும் உள்ளது.

highways 3
Abu Dhabi Tourism & Culture Authority

4. கிரேட் ஓஷன் ரோடு, ஆஸ்திரேலியா

ஆஸ்திரேலியாவின் கரடுமுரடான தென்கிழக்கு கடற்கரையில் நீங்கள் செல்லும் போது மிருதுவான உப்பு காற்றை சுவாசிக்கவும், இயற்கை அழகை ரசிக்கவும் முடியும். இந்த சாலை விக்டோரியா மாநிலத்தில் டொர்குவே முதல் வார்னம்பூல் வரை உள்ளது.

இந்த வழியில் அருங்காட்சியகங்கள், உணவகங்கள் போன்றவை காணப்படும். ஆஸ்திரேலியாவின் அப்போலோ பே, ஷிப்ரெக் கோஸ்ட், கிரேட் ஓட்வே தேசிய பூங்கா ஆகியவை இந்த சாலையில் பார்க்க முடியும்.

highways 4
Tourism Australia

5. ஓவர்சீஸ் நெடுஞ்சாலை, புளோரிடா

1930 களில் கட்டப்பட்ட ஓவர்சீஸ் நெடுஞ்சாலை கடலுக்கு மேல் ரயில் பாதை ஒன்றை பின்பற்றுகிறது. இந்த ஓவர்சீஸ் நெடுஞ்சாலை புளோரிடாவின் பிரதான நிலப்பகுதியிலிருந்து கீ வெஸ்ட் வரை நீண்டுள்ளது. இந்த சாலையில் பயணிக்கையில் கடல் நீரை பார்த்தவாறு கடக்கலாம்.

highways 5 1

6. ஸ்டெல்வியோ பாஸ், இத்தாலி

சுவிட்சர்லாந்திலிருந்து இத்தாலிக்கு செல்லும் ஸ்டெல்வியோ பாஸ் சாலை உலகில் அதிகம் பேர் பார்வையிட்ட சாலையாகும். ஆனால், இந்த சாலை மிக ஆபத்தானது என்று கூறப்படுகிறது.

இது 1820 களில் கட்டப்பட்டது, இப்போது கிழக்கு அல்ப்ஸில் கடல் மட்டத்திலிருந்து 90,000 அடிக்கு மேல் உயராமாக அமைந்துள்ளது. 60 ஹேர்பின் திருப்பங்களைக் கொண்ட இந்த சாலை சைக்கிள் பந்தயம் மற்றும் மோட்டார் சைக்கிள் பேரணிகளுக்கு பிரபலமான பாதையாகும்.

highways 6
Sondrio – Per Bormio (AP)

7. அட்லாண்டிக் சாலை, நார்வே

ஒரு தேசிய சுற்றுலா பாதையாகக் கருதப்படும், அட்லாண்டிக் சாலை கட்டாயம் பார்க்க வேண்டிய இடமாகும். இது தேசிய சாலை 64 ன் ஒரு பகுதியாகும். ஒரு தீவிலிருந்து மற்றொரு தீவுக்கு செல்கிறது.

இந்த பாதை கிறிஸ்டியன்சுண்ட் மற்றும் மோல்ட் நகரங்களை இணைக்கிறது. 1989 ல் திறக்கப்பட்ட இந்த பாதையில் இப்போது நான்கு காட்சி இடங்கள் மற்றும் ஓய்வு பகுதிகள் இருக்கிறது. இந்த பகுதியை காண ஏராளமான சுற்றுலா பயணிகள் வருவதுண்டு.

highways 7
Frithjof Fure, Visitnorway.com

8. கபோட் பாதை, கனடா

185 மைல் நீளத்தில் உள்ள இந்த சாலையில் கால நிலையை பொறுத்து வண்ணமயமாக காட்சியளிக்கிறது. இலையுதிர் காலத்தில் சிவப்பு, ஆரஞ்சு மற்றும் மஞ்சள் நிறத்தில் நீங்கள் காணலாம். அத்துடன் கடலை பார்த்தவண்ணம் இந்த சாலை வழியாக நீங்கள் பயணிக்கலாம். அத்துடன் இப்பாதையில் உணவங்கள், அருங்காட்சியகங்கள் ஆகியவற்றை பார்க்க முடியும்.

highways 8
Nova Scotia Tourism Agency, Scott Munn

9. கோல் டி துரினி, பிரான்ஸ்

அதிக வளைவுகள் உங்களை பயமுறுத்தும் என்றால் நீங்கள் இந்த பாதையை தவிர்க்கலாம். கோல் டி துரினி, பிரான்சின் தெற்கில் உள்ள ஆல்ப்ஸ்-மரைடிம்ஸ் வழியாக 5,200 அடி உயரத்தை அடைகிறார். பிரபலமான இந்த பாதை மான்டே கார்லோ ரலி பந்தயத்திற்கு பயன்படுத்தப்படுகிறது.

highways 9
iStock

10. ரூட்டா 40, அர்ஜென்டீனா

ரூட்டா 40 என்பது அர்ஜென்டினாவில் ஒரு உன்னதமான சாலையாகும், இது பூனாவிலிருந்து கபோ கன்னி கபோ வெர்ஜீன் வரை நீண்டுள்ளது. இது தான் அர்ஜென்டினாவின் மிக நீளமான சாலை. 3,045 மைல் நீளம் கொண்டுள்ளது.

ஆண்டிஸுக்கு இணைக்கும் இந்த ரூட்டா 40 கடல் மட்டத்திலிருந்து கிட்டத்தட்ட 16,000 அடி உயரத்தில் உள்ளது. 236 பாலங்கள், 18 பெரிய ஆறுகள், 13 பெரிய ஏரிகள் மற்றும் தேசிய பூங்காக்கள் இந்த சாலையில் உள்ளன. இந்த சாலையில் செப்பனிடப்படாத இடங்களும் இருக்கும்.

highways 10
Argentina Ministry of Tourism

வாய்ப்பு கிடைத்தால் இந்த சாலைகளில் பயணம் மேற்கொள்ள நீங்கள் மறந்திட வேண்டாம்.


Also Read: இலையுதிர் காலத்தை ரசிக்க உலகிலேயே அழகான இடங்கள்…

NeoTamil.com - ல் எழுதப்படும் கட்டுரைகள் DMCA Copyright பெற்றவை. பதிவுகளை நகலெடுத்தல், தழுவுதல் ஆகிய செயல்களைக் கட்டுப்படுத்தக்கூடியது. பதிவுகளை பிற தளங்களில் அல்லது வடிவங்களில் (Audio, Video) பயன்படுத்த NeoTamil.com -ன் அனுமதி பெறுவது அவசியம்.

NeoTamil on Google News

அறிவியல், விண்வெளி, தொழில்நுட்பம், ஆராய்ச்சிகள், நிபுணர்களின் ஆலோசனைகளை தமிழில் பெற பேஸ்புக் மற்றும் ட்விட்டரில் NeoTamilஐ பின் தொடருங்கள். 

Get your daily dose of positivity by following NeoTamil’s Facebook page and Twitter.

Subscribe to our newsletter

To be updated with all the latest news, offers and special announcements.

- Advertisment -

Subscribe to our newsletter

To be updated with all the latest news, offers and special announcements.

Must Read

png;base64,iVBORw0KGgoAAAANSUhEUgAAAUQAAADrAQMAAAArGX0KAAAAA1BMVEWurq51dlI4AAAAAXRSTlMmkutdmwAAACBJREFUaN7twTEBAAAAwiD7pzbEXmAAAAAAAAAAAACQHSaOAAGSp1GBAAAAAElFTkSuQmCC

உங்கள் வீடுகளில் சிலந்திகள் வராமல் தடுக்க 9 எளிய வழிகள்…

சிலந்திகள் உங்கள் வீட்டை குப்பையாக்கும் ஒரு பூச்சியினம். அது வீடு முழுக்க கூடுகளை கட்டுகிறது. இதனால், வீடு அசுத்தமாகும். இது சில நேரங்களில் உங்களை கடிக்கவும் செய்யும். இதில், சில சிலந்திகள் விஷத்தன்மை...
- Advertisment -
error: Content is DMCA copyright protected!