28.5 C
Chennai
Wednesday, September 30, 2020
Home உலகம் 10 லட்சம் ஆண்களுக்கு இனி திருமணத்திற்குப் பெண் கிடைக்காது! - எங்கே தெரியுமா?

10 லட்சம் ஆண்களுக்கு இனி திருமணத்திற்குப் பெண் கிடைக்காது! – எங்கே தெரியுமா?

NeoTamil.com - ல் எழுதப்படும் கட்டுரைகள் DMCA Copyright பெற்றவை. பதிவுகளை நகலெடுத்தல், தழுவுதல் ஆகிய செயல்களைக் கட்டுப்படுத்தக்கூடியது. பதிவுகளை பிற தளங்களில் அல்லது வடிவங்களில் (Audio, Video) பயன்படுத்த NeoTamil.com -ன் அனுமதி பெறுவது அவசியம்.

NeoTamil on Google News

காதலர் தினம் வந்தால் பெற்றோரையும் நண்பர்களையும்  ஏமாற்றிவிட்டு காதலி/காதலனை சந்திக்கப் போவார்கள் காதலர்கள். ஆனால் சீனாவிலோ நிலைமை தலைகீழ்… காதலர் தினத்தன்று புது ஆடை உடுத்தி வேலைக்குப் போகிறேன் என்று பெற்றோரை ஏமாற்றிவிட்டு மனநல மருத்துவமனைக்கு படையெடுத்துக் கொண்டிருக்கின்றனர் சீன இளைஞர்கள்.

அறிந்து தெளிக!!
கடந்த 2011 – ஆம் ஆண்டு எடுக்கப்பட்ட கணக்கெடுப்பின்படி அடுத்த இருபது ஆண்டுகளுக்குப் பின்னர் 10 லட்சத்திற்கும் அதிகமான சீன ஆண்கள் திருமணத்திற்குப் பெண் கிடைக்காத நிலைக்குத் தள்ளப்படுவர் என்று கணிக்கப்பட்டிருக்கிறது.

ஒரு குழந்தை கொள்கை

மக்கள் தொகையை கட்டுப்படுத்தும் பொருட்டு 1979 ஆம் ஆண்டு சீனாவில் கொண்டுவரப்பட்டது தான் இந்த ஒரு குழந்தை கொள்கை. அதன்படி இரண்டாவது குழந்தை பெற்றுக்கொள்ளும் பெற்றோருக்கு அபராதம், அரசு மானியம் ரத்து, சிறைவாசம் என தண்டனை வழங்கப்பட்டது.   இதில் ஒரு சில  இன மக்கள் மட்டும் விதிவிலக்கு அளிக்கப்பெற்றனர். அதாவது இவர்கள் மட்டும் இரண்டாவது குழந்தை பெற்றுக்கொள்ளலாம் முதல் குழந்தை பெண்ணாக இருப்பின்.

china
Credit: Youtube

கணக்கெடுப்பு

சுமார் 30 ஆண்டுகள் இருந்த கட்டுப்பாடுகளால் சீனாவில் ஆண் மற்றும் பெண்களுக்கு இடையேயான விகிதாச்சாரம் மோசமானது. நகர்ப்புற மற்றும் கிராமப்புறங்களிலும் இதுதான் நிலைமை. தொடர்நது குறைந்த திருமணப் பதிவுகளை கணக்கிட்டபோது இக்குறை கண்டறியப்பட்டது. 2013 ஆண்டுதான் இக்கொள்கை இருகுழந்தை கொள்கையாக மாற்றப்பட்டது. விளைவு, இன்று வரை சீன இளைஞர்கள் எழவு காத்த கிளியாக இருந்துவருகின்றனர். ஏழ்மையான மற்றும் கல்வியறிவு அற்ற குடும்பத்தைச் சார்ந்த இளைஞர்கள் நிலை இன்னும் மோசம். ஆண்களுக்குள் கடும் பொறாமை மற்றும் மன உளைச்சலை ஏற்படுத்தியதாக மருத்துவர்கள் கூறுகின்றனர்.

வினோத விளிப்பு
சீனாவில் வயதாகியும் திருமணம் ஆகாமல் இருக்கும் ஆண்களை ஒத்தைநாய், ஒத்தக்கெழம் என அழைப்பார்களாம். சத்திய சோதனை.

கடத்தல்

விளைவானது சீனாவில் மட்டுமல்லாது அதனை சுற்றியுள்ள நாடுகளையும் பாதித்தது. சீனா, மியான்மார், வடகொரியா, வியட்னாம் ஆகிய நாடுகளிலிருந்து பெண் குழந்தைகள் கடத்தப்படுவது அதிகரித்துள்ளது. அக்குழந்தைள் சீனாவில் விற்கப்படுகின்றனர் திருமணத்திற்காக. மேலும் இந்த இடைப்பட்ட காலங்களில் நிகழ்ந்த சட்டவிரோத கருத்தடை, பெண் குழந்தை மீதான விருப்பமின்மையும் இதற்கு காரணமாகும்.

china gender imbalance the times, abortion-thumb-500x299-8585
Credit: Bio Edge

பெண்குழந்தைகளை நேசிக்கக் கற்றுக்கொள்ளாத சமுதாயம் ஒருபோதும் வாழாது. இதையே இயற்கை எல்லா வழிகளும் நிரூபித்து வருகிறது.

 

 

NeoTamil on Google News

அறிவியல், விண்வெளி, தொழில்நுட்பம், ஆராய்ச்சிகள், நிபுணர்களின் ஆலோசனைகளை தமிழில் பெற பேஸ்புக் மற்றும் ட்விட்டரில் NeoTamilஐ பின் தொடருங்கள். உங்கள் நண்பர்களுக்கும் தவறாமல் ஷேர் செய்யுங்கள்.

Get your daily dose of positivity by following NeoTamil’s Facebook page and Twitter.

Subscribe to our newsletter

To be updated with all the latest news, offers and special announcements.

- Advertisment -

Subscribe to our newsletter

To be updated with all the latest news, offers and special announcements.

Must Read

- Advertisment -