28.5 C
Chennai
Sunday, April 14, 2024

மெட்ரோவில் இன்று பயணிக்க கட்டணம் கிடையாது!!

Date:

சென்னையின் மொத்த வரைபடமே மெட்ரோ என்னும் திட்டத்தினால் மாறிப்போயிருக்கிறது. பத்து ஆண்டுகள் நீடித்த பெரும்பணி முடிவிற்கு வந்திருக்கிறது. சென்னையின் எதிர்கால போக்குவரத்துத் தேவைகளை மையமாகக்கொண்டே இத்திட்டம் வகுக்கப்பட்டது. கடந்த 2009 ஆம் ஆண்டு துவங்கப்பட்ட இதற்கு ரூ.19,058 கோடி நிதி ஒதுக்கப்பட்டது. மொத்தம் இரண்டு வழிகளில் இந்த மெட்ரோ திட்டம் செயல்படுத்தப்படுகிறது.

metro-train1
Credit: The Masterbuilder
அறிந்து தெளிக!
வண்ணாரப்பேட்டையில் தொடங்கி உயர் நீதிமன்றம், எல்ஐசி, டிஎம்எஸ், சைதாப்பேட்டை வழியாக விமான நிலையம் வரை 23 கிமீ தூரத்துக்கு சுரங்க வழிப்பாதையாகவும், சென்ட்ரல் ரயில் நிலையத்தில் இருந்து எழும்பூர், அண்ணாநகர், திருமங்கலம், கோயம்பேடு, வடபழனி, ஆலந்தூர் வழியாக பரங்கிமலை வரை 22 கிமீ தூரத்துக்கு 2வது பாதையும் அமைக்கப்பட்டுள்ளன.

பிரம்மாண்டம்

19 ஏசி சுரங்கப்பாதை ரயில் நிலையங்கள், 13 உயர்த்தப்பட்ட ரயில் நிலையங்கள் என மொத்தம் 32 ரயில் நிலையங்கள் அமைக்கப்பட்டுள்ளன. இதற்காகத் தோண்டப்பட்ட மண்ணினைக்கொண்டு சென்னையின் புறநகர் பகுதிகளில் உள்ள 10 பள்ளமான இடங்களை சீர்படுத்தியுள்ளனர். இத்திட்டத்தின் கட்டுமானப் பணியின்போது 9 லட்சம் முறை லாரிகள் மண் சுமந்திருக்கின்றன என்றால் எவ்வளவு மண் இருக்கும் என்று நீங்களே ஊகித்துக்கொள்ளுங்கள். இதற்காக பிரான்ஸ், ரஷ்யா நாடுகளில் இருந்து பிரம்மாண்ட துளைக்கும் கருவிகள் வரவழைக்கப்பட்டன.

chennai metro train
Credit: chennaimetrorail

இலவசம்

மெட்ரோவின் அவசியத்தை மக்களிடையே வலியுறுத்தவும், இத்திட்டத்தினை வளர்ச்சிப்பாதையில் எடுத்துச் செல்லவும் இன்று (11/2/19) நள்ளிரவு 11 மனிவரை மெட்ரோவில் இலவசமாகப் பயணம் செய்யலாம் என்று அந்த நிர்வாகம் அறிவித்துள்ளது. விமான நிலையம் – வண்ணாரப்பேட்டை, சென்ட்ரல் – கோயம்பேடு – பரங்கிமலை என மொத்தமுள்ள 45 கி.மீ தூரத்துக்கு கட்டணம் எதுவும் வசூலிக்கப்படாது. ஒவ்வொரு 10 நிமிடத்துக்கு ஒரு மெட்ரோ ரயில் இயக்கப்படும் எனவும் தெரிவிக்கப்பட்டுள்ளது.

 

Share post:

Popular

More like this
Related

கங்காரு (Kangaroo) பற்றி பலரும் அறிந்திடாத 10 சுவாரசியமான தகவல்கள்!

கங்காரு கங்காருக்கள் சக்திவாய்ந்த பின்னங்கால்கள், நீண்ட வலுவான வால் மற்றும் சிறிய...

புதன் கோள் (Mercury) பற்றி பலரும் அறிந்திடாத 10 சுவாரசிய தகவல்கள்!

புதன் கோள் நமது சூரிய குடும்பத்தில் உள்ள மிகச்சிறிய கோள். இது...

ஒட்டகம் (Camel) பற்றிய சுவாரஸ்யமான 8 தகவல்கள்!

ஒட்டகம் என்றவுடன் நம் நினைவிற்கு வருவது ஒட்டகங்கள் பாலைவனங்களில் வாழும் பெரிய...

வான்கோழி (Turkey) பற்றி பலரும் அறிந்திடாத 10 உண்மைகள்!

வான்கோழி எப்படி இருக்கும்? வான்கோழிகள் கோழியை விட பெரிதாக இருக்கும். சற்று...
error: Content is DMCA copyright protected!