28.5 C
Chennai
Friday, February 23, 2024

வெறும் கண்ணுக்கு தெரியும் NEOWISE வால்நட்சத்திரம்: எங்கே, எப்படி பார்ப்பது?

Date:

2020 ஆம் ஆண்டில் முதல் முறையாக விண்வெளி ஆர்வலர்கள் பலரும், ஒரு வால்மீன் / வால்நட்சத்திரம் வானில் தெரிவதால் மிகவும் உற்சாகத்தில் உள்ளனர். இந்த வால்நட்சத்திரம் பல மேற்கத்திய நாடுகளில் ஏற்கனவே தெளிவாக தெரிகிறது. இது இந்தியாவிலும் தெரியத் தொடங்குகிறது. நாசாவின் NEOWISE (Near Earth Object Wide-field Infrared Survey Explorer) தொலைநோக்கி கண்டுபிடித்ததால், இதற்கு NEOWISE C/2020 F3 என்று பெயரிடப்பட்டுள்ளது.

NEOWISE வால்நட்சத்திரம்
Comet C/2020 F3 photographed low in the morning sky on July 7. Credit: NASA/Bill Dunford

NEOWISE C/2020 F3 வால்நட்சத்திரம் தற்போது பூமியிலிருந்து கிட்டத்தட்ட 200 மில்லியன் கிலோமீட்டர் தொலைவில் உள்ளது. இரவு நேரத்தில் தெளிவான வானத்தில் காணக்கூடிய அளவுக்கு மிகவும் பிரகாசமாக உள்ளது. இருப்பினும், ஜூலை 12-15 க்குப் பிறகு இந்தியாவில் தெளிவாக காணமுடியும். மேலும், இது ஆகஸ்டு மாதம் பாதி வரை தெரியும்.

NEOWISE ஜூலை 22-23 தேதிகளில் பூமிக்கு மிக நெருக்கமான வரும். அப்போது இது பூமியிலிருந்து 100 மில்லியன் கிலோமீட்டர் தொலைவில் இருக்கும். இது நம் நிலவு இருக்கும் தொலைவை விட 200 மடங்கு அதிக தொலைவாகும்.

neowise comet
Comet NEOWISE captured on July 6, 2020, above the northeast horizon just before sunrise in Tucson. Credits: Vishnu Reddy

வால்நட்சத்திரம் / வால்மீன் என்பது என்ன?

வால்நட்சத்திரங்கள் விண்வெளியில் சுற்றிக்கொண்டிருக்கும் உறைபனி மற்றும் வாயுக்கள் கொண்ட மிகப்பெரிய பொருட்கள் ஆகும். வால்நட்சத்திரங்களுக்கு சொந்தமாக ஒளி இல்லை. இவை விண்வெளியில் சுற்றிக்கொண்டே சூரியனுக்கு மிக அருகில் செல்லும் போது அதன் பரப்பு சூடாகி வெப்பமடைந்து அதன் வாயுக்களை வெளியிட தொடங்குகிறது. இதன் மூலம் வால்நட்சத்திரங்களில் வால் உருவாக தொடங்குகிறது. இந்த வாயு மற்றும் தூசிகள் பல லட்சம் கிலோ மீட்டர் தொலைவுக்கு வீசி எறியப்படும். பூமிக்கு அருகில் வால்நட்சத்திரங்கள் வரும் போது வெறும் கண்களால் காணமுடியும்.

வெளிவந்தது சூரியனின் மர்மப் புகைப்படம்!

Did you know?
வால்நட்சத்திரங்கள் மிகவும் அரிதானவை. கடந்த அரை நூற்றாண்டுகளில் கண்டுபிடிக்கப்பட்ட வால்நட்சத்திரங்களில் NEOWISE C/2020 F3 தான் மிகவும் அதிக வெளிச்சம் கொண்ட வால்நட்சத்திரம் ஆகும். இது குறைந்தது 20 நாட்களுக்கு இந்தியாவில் தெரியும்.

எப்போது, எங்கே தெரியும்?

இந்தியாவில் இது இரண்டு வேளைகளில் தெரியும்.

  1. அதிகாலை 4 மணி முதல் சூரிய உதயம் வரை – வடகிழக்கு அடிவானில் தெரியும்.
  2. மாலை சூரியன் மறைந்த பிறகு 7 மணி வரை – வடமேற்கு அடிவானில் தெரியும்.

இதை இருண்ட வானத்தில் வெறும் கண்களால் NEOWISE வால்நட்சத்திரத்தை பார்க்க முடியும். மேகமூட்டம் இருந்தால் பார்க்கமுடியாது.

பூமியின் பரப்பில் வெடித்துச் சிதறிய வால்நட்சத்திரம் – அழிந்தது எந்த நகரம் தெரியுமா?

புகைப்படங்கள்

neowise comet from space 1
In the lower center of this image is Comet Neowise pictured from the International Space Station as it orbited above the Mediterranean Sea in between Tunisia and Italy.Credit: NASA/ISS

சர்வதேச விண்வெளி நிலையத்தில் (International Space Station) தங்கியிருந்த விண்வெளி வீரர்கள் இந்த வானியல் அற்புதத்தை புகைப்படம் எடுத்திருந்தனர்.

neowise comet photo
An unprocessed image from the WISPR instrument on NASA’s Parker Solar Probe shows Comet NEOWISE on July 5, 2020, shortly after its closest approach to the sun. (Image credit: NASA/Johns Hopkins APL/Naval Research Lab/Parker Solar Probe/Brendan Gallagher)

இது நாசாவின் பார்க்கர் விண்கலம் எடுத்த புகைப்படம்!

இந்த அரிய நிகழ்வை தவறாமல் காணுங்கள்! இல்லையேல், இதே வால்நட்சத்திரத்தை மீண்டும் பார்க்க இன்னும் 6500 ஆண்டுகளுக்கு மேல் ஆகும். அதாவது, 8786-ம் ஆண்டு தான் இது மீண்டும் தெரியும்.

Share post:

Popular

More like this
Related

கங்காரு (Kangaroo) பற்றி பலரும் அறிந்திடாத 10 சுவாரசியமான தகவல்கள்!

கங்காரு கங்காருக்கள் சக்திவாய்ந்த பின்னங்கால்கள், நீண்ட வலுவான வால் மற்றும் சிறிய...

புதன் கோள் (Mercury) பற்றி பலரும் அறிந்திடாத 10 சுவாரசிய தகவல்கள்!

புதன் கோள் நமது சூரிய குடும்பத்தில் உள்ள மிகச்சிறிய கோள். இது...

ஒட்டகம் (Camel) பற்றிய சுவாரஸ்யமான 8 தகவல்கள்!

ஒட்டகம் என்றவுடன் நம் நினைவிற்கு வருவது ஒட்டகங்கள் பாலைவனங்களில் வாழும் பெரிய...

வான்கோழி (Turkey) பற்றி பலரும் அறிந்திடாத 10 உண்மைகள்!

வான்கோழி எப்படி இருக்கும்? வான்கோழிகள் கோழியை விட பெரிதாக இருக்கும். சற்று...
error: Content is DMCA copyright protected!