28.5 C
Chennai
Sunday, September 27, 2020
Home அறிவியல் ஆராய்ச்சிகள் பூமிக்கு வந்த ஏலியன்களின் விண்வெளிக் கப்பல்

பூமிக்கு வந்த ஏலியன்களின் விண்வெளிக் கப்பல்

NeoTamil.com - ல் எழுதப்படும் கட்டுரைகள் DMCA Copyright பெற்றவை. பதிவுகளை நகலெடுத்தல், தழுவுதல் ஆகிய செயல்களைக் கட்டுப்படுத்தக்கூடியது. பதிவுகளை பிற தளங்களில் அல்லது வடிவங்களில் (Audio, Video) பயன்படுத்த NeoTamil.com -ன் அனுமதி பெறுவது அவசியம்.

NeoTamil on Google News

விண்வெளியிலிருந்து சிகார் வடிவத்திலான மிகப்பெரிய உருவம் ஒன்று கடந்த ஆண்டு பூமிக்கு மிக நெருக்கத்தில் வந்தது உங்களுக்கு ஞாபகம் இருக்கலாம். உலகம் முழுவதும் விண்வெளித் துறையில் இருக்கும் பலரும் இதுகுறித்த ஆராய்ச்சியில் இறங்கினர். சரியான விபரம் தெரியாத அந்த விண்வெளிப் பொருளுக்கு Oumuamua என்று பெயரிடப்பட்டிருந்தது. ஹவாய் மொழியில் Oumuamua என்றால் இறந்த காலத்திலிருந்து வான்வழியாக வரும் தூதுவர் என்பது அர்த்தமாம். இந்நிலையில் அது UFO எனப்படும் விண்வெளிக் கப்பல் தான் என்று அமெரிக்காவைச் சேர்ந்த ஹார்வர்ட் பல்கலைக்கழக விண்வெளி ஆராய்ச்சியாளர்கள் தெரிவித்திருக்கிறார்கள்.

cigar shaped asteroid
Credit: WTVY

மர்மக் கப்பல்

இந்த மாதிரியான நிகழ்வு இப்போது நடந்திருப்பது புதிதல்ல. இதற்கு முன்னரே இதுபோல் விண்வெளியில் மிதக்கும் வித்தியாசமான பொருட்களைப் பற்றி ஆராய்ச்சிகள் நடந்து வருகின்றன. ஹார்வர்ட் பல்கலைக்கழகத்தின் விண்வெளி இயற்பியல் துறையில் ஆராய்ச்சியில் ஈடுபட்டுவரும் Abraham Loeb மற்றும் Shmuel Bialy ஆகியோர் இந்த “தூதுவரைப்” பற்றிய ஆராய்ச்சிக் கட்டுரை ஒன்றை வெளியிட்டுள்ளனர். அதில் இது சூரிய ஒளியினால் இயங்கும் விண்வெளிக் கப்பலாக இருக்கலாம் என்று தெரிவிக்கப்பட்டுள்ளது. இந்தக் கருத்தை மறுத்தும் ஆதரித்தும் பல விஞ்ஞானிகள் விவாதித்து வருகின்றனர்.

ஒளி ஆற்றல்

சூரிய ஒளியில் இருக்கும் போட்டான்களை இரண்டு மூடிய கண்ணாடிகளுக்கு இடையே எதிரொளிக்க வைப்பதன் மூலம் ஆற்றலை உருவாக்க முடியும். இதன் அடிப்படையில் தான் சூரிய ஒளிவிண்கலம் இயங்குகிறது. ஆராய்ச்சியாளர்களின் கருத்துப்படி பூமிக்கு வந்த விண்கலம் சூரிய ஒளியினைக் கொண்டு இயங்கும் கலமாக இருக்கும் பட்சத்தில் இது மிகப்பெரிய விவாதப்பொருளாக மாறும்.

ஏனெனில் சூரிய ஒளியினால் இயங்கும் விண்கலங்கள் அதிநுட்ப அறிவியல் சாதனையாகும். அப்படியானால் தொலைத்தொடர்பு மற்றும் விண்வெளித்துறையில் முன்னேறிய ஓர் ஏலியன் இனம் இருப்பது உறுதியாகும்.

cigar shaped asteroid NASA
Credit: Space REF

ஆனால் பல விண்வெளிசார் ஆராய்ச்சியாளர்கள் இந்த முடிவினை மறுதலிக்கின்றனர். இதுவரை அந்த விண்கலம் குறித்த நம்பத்தகுந்த தரவுகள் எதுவும் கண்டுபிடிக்கப்படவில்லை இதனால் இந்த முடிவு அறிவியல் பூர்வமாக நிரூபிக்க முடியாத கூற்று என்கிறார்கள். இறந்த காலத்தை கவனித்தால் இவை ஆண்டுக்கு ஒருமுறை நடக்கின்றவைதான். அதனால் இந்த மர்மத்தினை விலக்கும் அடுத்த வாய்ப்பு கிடைக்கும் வரை ஆராய்ச்சியாளர்கள் காத்திருக்க வேண்டியதுதான்.

 

 

 

NeoTamil on Google News

அறிவியல், விண்வெளி, தொழில்நுட்பம், ஆராய்ச்சிகள், நிபுணர்களின் ஆலோசனைகளை தமிழில் பெற பேஸ்புக் மற்றும் ட்விட்டரில் NeoTamilஐ பின் தொடருங்கள். உங்கள் நண்பர்களுக்கும் தவறாமல் ஷேர் செய்யுங்கள்.

Get your daily dose of positivity by following NeoTamil’s Facebook page and Twitter.

Subscribe to our newsletter

To be updated with all the latest news, offers and special announcements.

- Advertisment -

Subscribe to our newsletter

To be updated with all the latest news, offers and special announcements.

Must Read

sp-balasubramaniam-memories

எஸ்.பி.பி – தமிழுக்கு கிடைத்த கடைசி பெரும்பாடகன்!

"சென்னையின் வழக்கமான பரபரப்பான நாளொன்று அது. வேலை தேடிக்கொண்டிருந்த காலம். வழக்கம்போல அன்றும் ஒரு இண்டர்வியூவில் தோற்றிருந்தேன். அலுவலகத்தைவிட்டு வெளியே வந்ததும் நேரடியாக அண்ணா சதுக்கம் செல்லும் பஸ்ஸில் ஏறிவிட்டேன்....
- Advertisment -