28.5 C
Chennai
Tuesday, November 29, 2022
Homeஅறிவியல்வெள்ளி கிரகத்தின் ஓராண்டு என்பது எவ்வளவு தெரியுமா?

வெள்ளி கிரகத்தின் ஓராண்டு என்பது எவ்வளவு தெரியுமா?

NeoTamil on Google News

அதிகாலை விடியலின் போது வெள்ளிக்கோளினை நாம் பார்த்திருப்போம்.  நிலவுக்கு அருகினில் சற்றே பெரிய நடச்சத்திரம் போன்று காட்சியளிக்கும். வெள்ளிக் கோள் முதன்முதலில் 14 – ஆம் நூற்றாண்டில் தான் கண்டுபிடிக்கப்பட்டது. பூமியினை விட சிறியக் கோள் வெள்ளி. பல மில்லியன் ஆண்டுகளுக்கு முன்னால் மனிதர்கள் வாழ்வதற்குத் தகுந்த சூழ்நிலை வெள்ளியில் இருந்திருக்கிறது. வெள்ளியினைப் பற்றிய சுவாரஸ்யமான தகவல்களைக் கீழே காணலாம்.

 venus planet
Credit: Extreme Tech

இரண்டாவது கோள்

சூரியக்குடும்பத்தில் சூரியனை வெள்ளி இரண்டாவதாகச் சுற்றி வருகிறது. ரோமானியர்களின் காதல் கடவுளான வீனஸின் பெயரே இக்கோளிற்குச் சூட்டப்பட்டது. மற்றைய கோள்களுக்கு எதிர் திசையில் வெள்ளி சூரியனை வலம் வருகிறது.

அறிந்து தெளிக !
வெள்ளி கிரகத்தில் மேற்கில் தான் சூரியன் உதிக்கும். கிழக்கில் மறையும். 

நீங்கள் வெள்ளிக்கிரகத்தில் நுழைகிறீர்கள் என்று வைத்துக்கொள்வோம். உங்களுக்கு முதல் பிரச்சனை அங்குள்ள வளிமண்டலம். விண்வெளியிலிருந்து  வெள்ளியின் வளிமண்டலத்தில் நுழையும்போதே அடர் சல்பியூரிக் அமிலத்தில் மாட்டிக் கொள்வீர்கள். கந்தக அமிலத்தின் அடர்த்தி காரணமாக எல்லா பொருளும் எளிதில் கரைந்துவிடும். அதிலும் தப்பித்தால் அடுத்த பிரச்சனை தரையினில் காத்துக்கொண்டிருக்கும். வெள்ளியின் சராசரி வெப்பநிலை 462 டிகிரி !!

வெள்ளியில் ஒரு நாள்

பூமியினைப் போன்று வெள்ளி இல்லை என்பதைப் போன பத்தியிலேயே சொல்லி விட்டேன். வெள்ளியின் தற்சுழற்சி வேகம் மிகக் குறைவு. சூரியனின் ஈர்ப்பு விசையினால் அதன் தற்சுழற்சி வேகம் குறைவதாக விஞ்ஞானிகள் தெரிவிக்கிறார்கள். இதனால் வெள்ளி ஒருமுறை தன்னைத்தானே சுற்றிக்கொள்ள 243 நாட்கள் ஆகிறது.

 venus planet clouds
Credit: America Space

பூமி தன்னைத்தானே சுற்றுவதால் தான் இரவு பகல்  ஏற்படுகிறது என்பதை நான் சொல்ல வேண்டியதில்லை தானே?. இப்போது இதனை வெள்ளியினோடு ஒப்பீடு செய்து பாருங்கள். ஆமாம் வெள்ளியில் ஒரு நாள் என்பது 243 நாட்கள். அதாவது வெள்ளியில் ஒரு இரவும் பகலும் செல்வதற்கு 243 நாட்கள் ஆகும்.

ஆண்டு என்பது…

வருடத்திற்கு எத்தனை நாள் ? என்ன 365 நாட்களா? நீங்கள் வெள்ளியில் இருக்கிறீர்கள் என்பதை மறந்துவிட்டீர்கள். பொதுவாக ஒரு வருடம் என்பது கோள் சூரியனைச் சுற்றி வர எடுத்துக் கொள்ள ஆகும் காலம். பூமி சூரியனைச் சுற்றுவதற்கு 365 நாட்கள் ஆகிறது. அது போல் வெள்ளி சூரியனைச் சுற்றி வர 225 நாட்களை எடுத்துக் கொள்ளும். மூளைக்குள் ஏதாவது தீப்பொறி பறக்கிறதா?

நீங்கள் அறிவாளி தான். வெள்ளியில் ஒருநாள் முடிவடைவதற்கு முன்பே ஓராண்டு முடிந்துவிடும். புரிந்து கொள்ள இயலுகிறது தானே? அதாவது இது பூமியில் நிகழும் பட்சத்தில் அதிகாலை குளிர்காலமும், மதியம் கோடைகாலமாகவும், மாலை மழைக்காலமும், இரவு பனிக்காலமும் அடுத்தடுத்து வரும்.

அறிந்து தெளிக !
வெள்ளியின் வளிமண்டலத்தில் 50 – 80 கிலோமீட்டர் வரை கந்தக அமிலமும், சல்பரும் உள்ளன. இதனால் சூரியக்கதிர்கள் வெள்ளியின் வளிமண்டத்தைத் தாண்டிச் செல்ல முடியாமல் போகிறது. அதே போல் வெள்ளியின் பரப்பில் உள்ள ஒளி வெளியே தப்பிச்செல்ல முடிவதில்லை. இதைப் பசுமைக்குடில் விளைவு என்று அழைக்கிறார்கள். பல மில்லியன் வருடங்களுக்கு முன்னால் வெள்ளியில் பெருங்கடல்கள் இருந்திருக்கின்றன. அதிகப்படியான வெப்பத்தினால் அவை ஆவியாகி விட்டதாக ஆராய்ச்சியாளர்கள் தெரிவிக்கிறார்கள்.

 

NeoTamil.com - ல் எழுதப்படும் கட்டுரைகள் DMCA Copyright பெற்றவை. பதிவுகளை நகலெடுத்தல், தழுவுதல் ஆகிய செயல்களைக் கட்டுப்படுத்தக்கூடியது. பதிவுகளை பிற தளங்களில் அல்லது வடிவங்களில் (Audio, Video) பயன்படுத்த NeoTamil.com -ன் அனுமதி பெறுவது அவசியம்.

NeoTamil on Google News

அறிவியல், விண்வெளி, தொழில்நுட்பம், ஆராய்ச்சிகள், நிபுணர்களின் ஆலோசனைகளை தமிழில் பெற பேஸ்புக் மற்றும் ட்விட்டரில் NeoTamilஐ பின் தொடருங்கள். 

Get your daily dose of positivity by following NeoTamil’s Facebook page and Twitter.

Subscribe to our newsletter

To be updated with all the latest news, offers and special announcements.

- Advertisment -

Subscribe to our newsletter

To be updated with all the latest news, offers and special announcements.

Must Read

பிரையன் ட்ரேசி அவர்களின் சிறந்த 33 பொன்மொழிகள்!

பிரையன் ட்ரேசி கனடிய அமெரிக்க ஊக்கமூட்டும் பேச்சாளர். பிரையன் ட்ரேசி 80 க்கும் மேற்பட்ட புத்தகங்களை எழுதியுள்ளார். பிரையன் ட்ரேசி அவர்கள் கூறிய சிறந்த 33 பொன்மொழிகள்! நீங்கள் எங்கிருந்து வருகிறீர்கள் என்பது...
- Advertisment -
error: Content is DMCA copyright protected!