28.5 C
Chennai
Saturday, September 26, 2020
Home அரசியல் & சமூகம் ஒரே ஒரு நாடகம் மூலம் அதிபர் பதவியைப் பிடித்த நடிகர்!!

ஒரே ஒரு நாடகம் மூலம் அதிபர் பதவியைப் பிடித்த நடிகர்!!

NeoTamil.com - ல் எழுதப்படும் கட்டுரைகள் DMCA Copyright பெற்றவை. பதிவுகளை நகலெடுத்தல், தழுவுதல் ஆகிய செயல்களைக் கட்டுப்படுத்தக்கூடியது. பதிவுகளை பிற தளங்களில் அல்லது வடிவங்களில் (Audio, Video) பயன்படுத்த NeoTamil.com -ன் அனுமதி பெறுவது அவசியம்.

NeoTamil on Google News

“என் தாய்நாட்டிற்கு ஒண்ணுனா நான் உயிரை கூட கொடுப்பேன்” இப்படி பஞ்ச் டயலாக்குகளை அள்ளிவீசி அரசிலுக்கு வந்தவர்களை நாம் நிறையவே பார்த்திருக்கிறோம். சிலிர்த்துப்போய் சில்லறைய விட்டெறிஞ்ச அதே வேகத்தில் நடிகருக்கு ஓட்டுப்போடும் மக்களையும் சந்தித்திருக்கிறோம். ஆனால் ஒரே நாடகம் மூலம் மக்களைக் கவர்ந்து அந்நாட்டின் அதிபர் பதவியையும் கைப்பற்றியுள்ளார் உக்ரேனைச் சேர்ந்த வோலோதிமிர் ஜெலன்ஸ்கி.

_ukraine-election-zelenskiy-reax
Credit: Global News

கடந்த 2015 ஆம் ஆண்டு வெளியான செர்வன்ட் ஆப் தி பீப்பிள் (Servant of the people) என்ற தொலைக்காட்சித் தொடரில் கதாநாயகனாக நடித்தார் ஜெலன்ஸ்கி. கதைப்படி ஜெலன்ஸ்கி ஒரு பள்ளிக்கூட ஆசிரியர். நாட்டில் நடக்கும் அநியாயங்களைக் கண்டு பொங்கியெழும் அக்மார்க் குடிமகன். இப்படியிருக்க அங்கு நடக்கும் ஊழலைப்பற்றி வீடியோ ஒன்றில் பேசி அதனை மக்களிடம் கொண்டுபோய் சேர்க்கிறார். இதன்மூலம் ஜெலன்ஸ்கியின் புகழ் நாடு முழுவதும் பரவுகிறது. இந்த புரட்சியின் காரணமாக மக்கள் மனதில் நற்பெயர் எடுக்கிறார் நாயகன். இறுதியில் தேர்தலில் நின்று அபார வெற்றி பெற்று அதிபராகிறார். எங்கோ கேள்விப்பட்ட மாதிரி இருக்கிறதா? நம்ம ஊர் முதல்வனில் பட்டி டிங்கரிங் பார்த்து எடுத்திருக்கிறார்கள்.

தேர்தல்

உக்ரைன் நாட்டின் அதிபரான பெட்ரோ போரோஷெங்கோவின், பதவி காலம் அடுத்த மாதம் முடிவடைவதையொட்டி அங்கு அதிபர் தேர்தல் அறிவிக்கப்பட்டது. இதில் பெட்ரோ போரோஷெங்கோ தனது அதிபர் பதவியை தக்கவைத்துக்கொள்ள, மீண்டும் போட்டியிட்டார். அவரை எதிர்த்துத்தான் ஜெலன்ஸ்கி போட்டியிட்டார்.

ukraineகடந்த மாதம் 31-ந் தேதி அதிபர் தேர்தலுக்கான முதற்கட்ட வாக்கு பதிவு நடந்தது. இதில் உக்ரைன் அரசியலமைப்பு சட்டத்தின்படி, தேர்தலில் பதிவான ஓட்டுகளில் 50 சதவீதத்துக்கும் அதிகமான ஓட்டுகளைப் பெறுகிறவர்தான் வெற்றி பெற முடியும். ஆனால் முதல் சுற்று தேர்தலின் போது எந்த வேட்பாளரும், 50 சதவீதத்துக்கும் அதிகமான வாக்குகளைப் பெறவில்லை.

இதனையடுத்து முதல் 2 இடங்களைப் பிடித்த வேட்பாளர்கள் இடையே, 2-வது சுற்று தேர்தல் நடத்தப்பட்டது. அதன்படி 2-வது சுற்றில் வோலோதிமிர் ஜெலன்ஸ்கிக்கும் தற்போதைய அதிபர் பெட்ரோ போரோஷெங்கோவுக்கும் இடையே நேரடி போட்டி நிலவியது. வாக்குப்பதிவு முடிந்ததும் வாக்குகள் எண்ணப்பட்டதில், தொடக்கம் முதலே நகைச்சுவை நடிகர் ஜெலன்ஸ்கி முன்னிலை வகித்தார். வாக்கு எண்ணிக்கை முடிவில் 73 சதவீத வாக்குகள் பெற்று ஜெலன்ஸ்கி உக்ரைன் அதிபராக அபார வெற்றி பெற்றார்.

UKRAiNE ELECTIONமக்களிடையே தனது நடிப்பின் மூலம் அபார வரவேற்பை பெற்றிருந்த ஜெலன்ஸ்கி கூடிய விரைவில் அந்நாட்டின் அதிபராக பதவியேற்க இருக்கிறார்.

 

NeoTamil on Google News

அறிவியல், விண்வெளி, தொழில்நுட்பம், ஆராய்ச்சிகள், நிபுணர்களின் ஆலோசனைகளை தமிழில் பெற பேஸ்புக் மற்றும் ட்விட்டரில் NeoTamilஐ பின் தொடருங்கள். உங்கள் நண்பர்களுக்கும் தவறாமல் ஷேர் செய்யுங்கள்.

Get your daily dose of positivity by following NeoTamil’s Facebook page and Twitter.

Subscribe to our newsletter

To be updated with all the latest news, offers and special announcements.

- Advertisment -

Subscribe to our newsletter

To be updated with all the latest news, offers and special announcements.

Must Read

- Advertisment -