28.5 C
Chennai
Thursday, September 24, 2020
Home வாகனங்கள் வால்வோவுடன் கைகோர்க்கும் ஈச்சர் மோட்டார்ஸ்-உருவாகிறது மலிவு விலை சொகுசுப் பேருந்து?!!

வால்வோவுடன் கைகோர்க்கும் ஈச்சர் மோட்டார்ஸ்-உருவாகிறது மலிவு விலை சொகுசுப் பேருந்து?!!

NeoTamil.com - ல் எழுதப்படும் கட்டுரைகள் DMCA Copyright பெற்றவை. பதிவுகளை நகலெடுத்தல், தழுவுதல் ஆகிய செயல்களைக் கட்டுப்படுத்தக்கூடியது. பதிவுகளை பிற தளங்களில் அல்லது வடிவங்களில் (Audio, Video) பயன்படுத்த NeoTamil.com -ன் அனுமதி பெறுவது அவசியம்.

NeoTamil on Google News

சுவீடனைச் சேர்ந்த பிரபல சொகுசுக்கார் தயாரிப்பு நிறுவனமான வால்வோ(Volvo)ஈச்சர் மோட்டார்ஸ் (Eicher Motors) உடன் இணைந்து மலிவு விலைப் பேருந்துகளைத் தயாரிக்கப் போவதாக அறிவித்துள்ளது. மத்திய கிழக்கு நாடுகளுக்கு ஏற்றுமதி செய்ய இருக்கும் இப்பேருந்துகள் சொகுசானதாகவும், குளிரூட்டப்பட்டதாகவும் இருக்கும் எனவும் அந்நிறுவனம் தெரிவித்துள்ளது. விஇ கமர்ஷியல் வாகனங்கள் (VE Commercial Vehicles) என்ற நிறுவனத்தின் மூலம் பேருந்துத் தயாரிப்புப் பணிகள் நடந்து வருகின்றன.

Credit: NRI News

மின்னியக்கப் பேருந்து

மின்னாற்றலின் மூலம் (Electric Powered Bus) இயங்கக் கூடிய இப்பேருந்துகளின் பாகங்கள் நைஜீரியா மற்றும் கென்யா நாடுகளில் தயாரிக்கப்பட்டு வருகின்றன. அசெம்பிளிங் (Assembling) வங்கதேசத்தில் நடைபெறும் எனத் தெரிவிக்கப்பட்டுள்ளது. முழுவதும் மின்னாற்றலினால் இயங்குவதால் மற்ற கார்களைப் போல் புகை வெளியேற்றம் இருக்காது. இம்மாதிரியான பேருந்துகளின் எண்ணிக்கையை அதிகரிப்பதன் மூலம் சுற்றுச்சூழலைப் பாதுகாக்க முடியும்.

Credit: Softpedia News

பொதுப் போக்குவரத்திற்காக?!!

பொதுப் போக்குவரத்திற்கு ஏற்ற வகையில் இப்பேருந்துகள் வடிவமைக்கப்பட்டு இருக்கின்றன. மத்தியக் கிழக்கு மற்றும் ஆப்பிரிக்க நாடுகளுக்கு ஏற்றுமதி ஆக இருக்கும் இப்பேருந்துகளில் எல்லா சொகுசு அம்சங்களும் இடம் பெற்றுள்ளது. மித மற்றும் கனரகப் பேருந்துகளை அந்நாடுகளுக்கு ஏற்றுமதி செய்ய இருக்கிறது விஇ கமர்ஷியல் நிறுவனம். இப்புதிய ரக வாகனங்களுக்கான தயாரிப்பிற்காக, 500 கோடி ஒதுக்கியுள்ளதாக அந்நிறுவனம் தெரிவித்துள்ளது.

அறிந்து தெளிக!!
விஇ கமர்ஷியல் வாகன நிறுவனம் கடந்த 2017-2018ம் நிதியாண்டில் மொத்தம் 65,932 வாகனங்களை விற்பனை செய்துள்ளது. இது 2016-17ம் நிதியாண்டில் விற்பனையான வாகனங்களின் எண்ணிக்கை விட 12.5 சதவீதம் அதிகம் ஆகும்.

பசுமைப் பேருந்து

சுற்றுச்சூழல் மாசுபாடுகளைக் குறைக்கும் விதத்தில் இப்பேருந்து வடிவமைக்கப்பட்டிருப்பதாக, ஈச்சர் மோட்டார்ஸ் நிறுவனத்தின் நிர்வாக இயக்குநர் மற்றும் தலைமை செயல் அதிகாரி சித்தார்த்தா லால் கூறியிருக்கிறார். இயற்கையைப் பாதிக்காத வகையில் சொகுசான மற்றும் மலிவான கட்டணத்தில் பயணிப்பதற்கு ஏதுவாக இப்பேருந்து திகழும். மேலும், அந்நிறுவனம் தற்போது கட்டுமானம், சுரங்கம் அமைத்தல் போன்ற துறைகளுக்குத் தேவையான வாகனங்களைத் தயாரிப்பதில் கவனம் செலுத்தி வருகிறது. எதிர்காலத்தில் இந்த துறைகள் வளர்ச்சி பெறும் பட்சத்தில், இந்த ரக வாகனங்களின் விற்பனையும் அதிகமாகும் என எதிர்பார்க்கப்படுகிறது.

NeoTamil on Google News

அறிவியல், விண்வெளி, தொழில்நுட்பம், ஆராய்ச்சிகள், நிபுணர்களின் ஆலோசனைகளை தமிழில் பெற பேஸ்புக் மற்றும் ட்விட்டரில் NeoTamilஐ பின் தொடருங்கள். உங்கள் நண்பர்களுக்கும் தவறாமல் ஷேர் செய்யுங்கள்.

Get your daily dose of positivity by following NeoTamil’s Facebook page and Twitter.

Subscribe to our newsletter

To be updated with all the latest news, offers and special announcements.

- Advertisment -

Subscribe to our newsletter

To be updated with all the latest news, offers and special announcements.

Must Read

இப்படியெல்லாம் நீச்சல் குளங்களா… ஆச்சரியப்பட வைக்கும் உலகில் அற்புதமான 10 நீச்சல் குளங்கள்!

நீச்சல் குளத்தில் குளிக்க பலருக்கும் ஆசை இருக்கும். ஆனால், இந்த 10 நீச்சல் குளங்களை பார்த்தால், குளிக்க வேண்டும் என்று நினைக்கிறீர்களோ இல்லையோ! நிச்சயம் ஒரு முறை பார்க்க வேண்டும்...
- Advertisment -
error: Content is copyright protected!!