28.5 C
Chennai
Monday, January 25, 2021
Home வாகனங்கள் விற்பனைக்கு வரும் ஸ்கோடா ரேபிட் ஒனிக்ஸ் எடிஷன் !!

விற்பனைக்கு வரும் ஸ்கோடா ரேபிட் ஒனிக்ஸ் எடிஷன் !!

NeoTamil on Google News

ஸ்கோடா (Skoda) நிறுவனத்தின் ரேபிட் மாடல் விற்பனைக்கு வெளி வந்து மக்களிடையே நல்ல வரவேற்பைப் பெற்றிருந்தது நாம் அறிந்த விஷயமே. இந்த மாடலின் பிரம்மாண்ட வெற்றியைத் தொடர ஸ்கோடா நிறுவனம் புதிய முயற்சி ஒன்றைக் கையாண்டுள்ளது. ரேபிட் காரில் புதிய அம்சங்களை சேர்த்து ஸ்கோடா ரேபிட் ஒனிக்ஸ்(Rapid Onyx) என்ற பெயரில் விற்பனைக்குக் களமிறக்கியிருக்கிறது ஸ்கோடா.

skoda onyx
Credit: Cartoq

டிசைனில் மிரட்டும் ஓனிக்ஸ்

இந்த கார் லேபிஸ் புளூ (Lapiz Blue) மற்றும் கேண்டி ஒயிட் (Candy White) ஆகிய இரண்டு புதிய வண்ணங்களில் விற்பனைக்கு வந்திருக்கிறது. காரின் முகப்பு கிரில் அமைப்பு மற்றும் பக்கவாட்டுக் கண்ணாடிகளில் பளபளப்பான கருப்பு வண்ணப் பூச்சு கொடுக்கப்பட்டிருப்பது முத்தாய்ப்பாகத் தெரிகிறது. கிரில் அமைப்பைச் சுற்றிலும் குரோம் பீடிங் பொருத்தப்பட்டிருக்கிறது. அதே போன்று, புரொஜெக்டர் ஹெட்லைட்டுகள் பின்னணியிலும் கருப்பு வர்ணப் பூச்சு கொடுக்கப்பட்டுள்ளது. மேலும், 16 அங்குல கருப்பு வண்ண கிளப்பர் அலாய் சக்கரங்கள் காரின் மீதான ஈர்ப்பை அதிகரிக்கின்றன.

 skoda onyx
Credit: Car Blog India

காரின் உட்புறத்தில் இரண்டு வண்ணங்களின் கலவை பயன்படுத்தப்பட்டு இருக்கிறது. எபோனி –  சேண்ட்(Ebony – Sand) என்ற கருப்பு மற்றும் மணல் வண்ணத்தில் உட்புற பாகங்கள் கொடுக்கப்பட்டிருக்கிறன. தோலினால் செய்யப்பட்ட  அலங்கார வேலைப்பாடுகள் உட்புறத்தை பிரீமியமாகக் காட்டுகிறது. காரில் 6.5 அங்குல தொடுதிரை வசதி கொண்ட இன்ஃபோடெயின்மென்ட் சிஸ்டம் இடம் பெற்றுள்ளது. இது தவிர ஏராளமான பாதுகாப்பு அம்சங்களும் இக்காரில் இடம் பெற்றுள்ளன.

இயக்கத் திறன்

காரில் கொடுக்கப்பட்டு இருக்கும் 1.6 லிட்டர் பெட்ரோல் எஞ்சின் அதிகபட்சமாக 104 BHP பவரைத்  தர வல்லது.  மேலும், இந்த எஞ்சினால் 153 NM டார்க் திறனைக் கொடுக்க இயலும். டீசல் மாடலில் இருக்கும் 1.5 லிட்டர் எஞ்சின் அதிகபட்சமாக 109 BHP பவரையும், 250 NM டார்க் திறனையும் வழங்கும். பெட்ரோல் மாடல் 6 ஸ்பீடு ஆட்டோமேட்டிக் கியர்பாக்ஸ் ஆப்ஷனிலும், டீசல் மாடல்  7 ஸ்பீடு டிஎஸ்ஜி கியர்பாக்ஸ் ஆப்ஷனிலும் கிடைக்கிறது.

 skoda onyx
Credit: Car And Bike

இந்தியாவில் பண்டிகைக் காலம் வர இருப்பதால் விற்பனையை அதிகப்படுத்தும் நோக்கோடு ஸ்கோடா நிறுவனம் ஒனிக்ஸ் காரை விற்பனைக்குக் கொண்டு வந்திருக்கிறது. இந்தக் காரின் ஆரம்ப விலை 9.75 லட்சம் என நிர்ணயிக்கப்பட்டுள்ளது. ஸ்கோடாவின் ரேபிட், ஆக்டேவியா போன்று வாடிக்கையாளரின் எதிர்பார்ப்பைப் பூர்த்தி செய்யுமா? இந்தப் புதிய ஓனிக்ஸ் என்பதைப் பொறுத்திருந்து பார்ப்போம்.

NeoTamil.com - ல் எழுதப்படும் கட்டுரைகள் DMCA Copyright பெற்றவை. பதிவுகளை நகலெடுத்தல், தழுவுதல் ஆகிய செயல்களைக் கட்டுப்படுத்தக்கூடியது. பதிவுகளை பிற தளங்களில் அல்லது வடிவங்களில் (Audio, Video) பயன்படுத்த NeoTamil.com -ன் அனுமதி பெறுவது அவசியம்.

NeoTamil on Google News

அறிவியல், விண்வெளி, தொழில்நுட்பம், ஆராய்ச்சிகள், நிபுணர்களின் ஆலோசனைகளை தமிழில் பெற பேஸ்புக் மற்றும் ட்விட்டரில் NeoTamilஐ பின் தொடருங்கள். 

Get your daily dose of positivity by following NeoTamil’s Facebook page and Twitter.

Subscribe to our newsletter

To be updated with all the latest news, offers and special announcements.

- Advertisment -

Subscribe to our newsletter

To be updated with all the latest news, offers and special announcements.

Must Read

png;base64,iVBORw0KGgoAAAANSUhEUgAAAUQAAADrAQMAAAArGX0KAAAAA1BMVEWurq51dlI4AAAAAXRSTlMmkutdmwAAACBJREFUaN7twTEBAAAAwiD7pzbEXmAAAAAAAAAAAACQHSaOAAGSp1GBAAAAAElFTkSuQmCC

இந்தோனேசிய குகைகளில் காணப்பட்ட மிகப் பழமையான ஓவியம்!

இந்தோனேசியாவில் அமைந்துள்ள சுலவேஸித் (Sulawesi) தீவின் குகைச் சுவர் ஒன்றில், 45,500 ஆண்டுகள் பழமை வாய்ந்த ஹேரி, வார்டி பன்றிகளின் (warty pig) ஓவியங்களை ஆராய்ச்சியாளர்கள் கண்டுபிடித்துள்ளனர். இந்த வார்டி பன்றிகளின் (warty pig)...
- Advertisment -
error: Content is DMCA copyright protected!