28.5 C
Chennai
Monday, November 30, 2020
Home வாகனங்கள் 22 ஆண்டுகளுக்குப் பின் மீண்டும் விற்பனைக்கு வரும் ஜாவா பைக்

22 ஆண்டுகளுக்குப் பின் மீண்டும் விற்பனைக்கு வரும் ஜாவா பைக்

NeoTamil on Google News

  • ஜாவா பைக்குகள் மூன்று மாடல்களில் வெளியாகின்றன.
  • ஜாவா பெரக் மாடல் 2019 – ஆம் ஆண்டு விற்பனைக்கு வரும்.
  • ஜாவா பைக் விற்பனைக்கு இந்தியா முழுவதும் 107 முகமைகள் அமைக்கப்பட உள்ளன.

ராயல் என்ஃபீல்டு (Royal Enfield) மற்றும் க்ரூஸர் பைக்குகளுக்கு (Cruiser Bikes) நேரடிப் போட்டியான ஜாவா மோட்டார் சைக்கிள்கள் (Jawa Motorcycles), 22 ஆண்டுகளுக்குப் பின்னர் இந்தியாவில் அறிமுகப்படுத்தப்பட்டுள்ளன.

cokhhbhg jawa
Credits : Drivespark

மூன்று மாடல்கள்

மோட்டார் சைக்கிள் பிரியர்களால் எப்போதும் மறக்க முடியாத ஒரு பைக் தான் ஜாவா. பிரபல ஜாவா மோட்டர் சைக்கிள்கள், 1960 – களில் இந்தியாவில் பெரும் வரவேற்பைப் பெற்றிருந்தன. ராயல் என்ஃபீல்டு, க்ரூஸர் பைக்குகளுக்கு நேரடிப் போட்டியாக வெளியான ஜாவா பைக் விற்பனை, 1996 – ஆம் ஆண்டு நிறுத்தப்பட்டது.

இந்த நிலையில், 22 ஆண்டுகளுக்குப் பின்னர் ஜாவா மோட்டர் சைக்கிளின் புதிய மாடல்கள் இந்தியாவில் அறிமுகப்படுத்தப்பட்டுள்ளன. ஜாவா (Jawa), ஜாவா 42 (Jawa 42), ஜாவா பெரக் (Jawa Perak) என்ற பெயரில் மூன்று புதிய மாடல்கள் நேற்று அறிமுகப்படுத்தப்பட்டன.

விலை மற்றும் சிறப்பம்சங்கள்

இவற்றில் ஜாவாவின் விலை ரூபாய் 1.55 லட்சம் என்றும், ஜாவா 42 – இன் விலை ரூபாய் 1.66 லட்சம் என்றும் நிர்ணயிக்கப்பட்டுள்ளன. 3 – வது லிமிட்டட் எடிஷன் மாடலான பெரக் ரூ.1.89 லட்சத்திற்கு அறிமுகப்படுத்தப்பட இருக்கிறது. ஆனால், இது வெளியாக இன்னும் சில காலம் ஆகுமாம்.

300 சிசி எஞ்சின் கொண்ட ஜாவா, 350 சிசி எஞ்சின் கொண்ட ராயல் என்ஃபீல்டுக்கு நேரடிப்  போட்டியாக அமையும். புதிய ஜாவா பைக்குகள், 293 சிசி திறன் இன்ஜினுடன் இந்தியாவில் தயாரிக்கப்படுகிறது. 27 பிஎச்பி திறனுடன், பியூயல் இன்ஜக்‌ஷன் தொழில்நுட்பம் கையாளப்பட்டுள்ளது. 6 கியர்கள் கொண்டதாகவும் உள்ளது.

new jawa 300 350 motorcycles india 18 1542264400 e1542346688427
Credits : Drivespark

1960 – களில் இந்தியாவில் ஜாவா பைக்குகளை விற்பனை செய்து வந்த ஐடியல் ஜாவா நிறுவனம், தற்போது மகேந்திரா நிறுவனத்துடன் கூட்டு சேர்ந்து ‘கிளாசிக் லெஜெண்ட்ஸ்’ என்ற நிறுவனத்தின் பேரில் ஜாவா பைக்குகளை விற்பனைக்குக் கொண்டு வந்துள்ளது. இதனால் பைக் ஆர்வலர்கள் உற்சாகமடைந்துள்ளனர்.

ஜாவா பைக் விற்பனைக்காக புதிய டீலர்களையும், விற்பனையாளர்களையும் நியமிக்க உள்ளதாக மஹிந்திரா நிறுவனம் தெரிவித்துள்ளது. டிசம்பர் முதல் முழு அளவில் விற்பனை தொடங்கும் என தெரிகிறது. அதுபோலவே நேற்று முதல் முன்பதிவும் தொடங்கியுள்ளதாக அறிவிக்கப்பட்டுள்ளது.

NeoTamil.com - ல் எழுதப்படும் கட்டுரைகள் DMCA Copyright பெற்றவை. பதிவுகளை நகலெடுத்தல், தழுவுதல் ஆகிய செயல்களைக் கட்டுப்படுத்தக்கூடியது. பதிவுகளை பிற தளங்களில் அல்லது வடிவங்களில் (Audio, Video) பயன்படுத்த NeoTamil.com -ன் அனுமதி பெறுவது அவசியம்.

NeoTamil on Google News

அறிவியல், விண்வெளி, தொழில்நுட்பம், ஆராய்ச்சிகள், நிபுணர்களின் ஆலோசனைகளை தமிழில் பெற பேஸ்புக் மற்றும் ட்விட்டரில் NeoTamilஐ பின் தொடருங்கள். 

Get your daily dose of positivity by following NeoTamil’s Facebook page and Twitter.

Subscribe to our newsletter

To be updated with all the latest news, offers and special announcements.

- Advertisment -

Subscribe to our newsletter

To be updated with all the latest news, offers and special announcements.

Must Read

karunanidhi-against-new-education-policy-2015-2020-1

கலைஞர் கருணாநிதி கூறிய 39 பொன்மொழிகள்

அடிமையாக இருப்பவன் தனக்குக் கீழே ஓர் அடிமை இருக்க வேண்டும் என்று கருதினால், உரிமைகளைப் பற்றிப் பேச அவனுக்கு உரிமையே கிடையாது.தேன் கூடும், கஞ்சனின் கருவூலமும் ஒன்றுதான். காரணம், இரண்டுமே அவற்றை நிரப்பிட...
- Advertisment -
error: Content is DMCA copyright protected!