28.5 C
Chennai
Monday, November 30, 2020
Home வாகனங்கள் சாதனை படைத்த ஹோண்டா அமேஸ் கார்!!

சாதனை படைத்த ஹோண்டா அமேஸ் கார்!!

NeoTamil on Google News

ஜப்பானைத் தலைமையிடமாகக் கொண்டு இயங்கும் ஹோண்டா நிறுவனம் உலகின் மிகப்பெரிய வாகன உற்பத்தியாளர் பட்டியலில் எட்டாம் இடம் வகிக்கிறது. 1995 ஆம் ஆண்டு இந்தியாவில் கால்பதித்த ஹோண்டா கார்ஸ் இந்தியா லிமிடெட்(Honda Cars India Limited) நிறுவனம், இன்று இந்திய வாகனச் சந்தையில் அசைக்க முடியாத ஜாம்பவானாகத் திகழ்கிறது. ஹோண்டாவின் பல கார்கள் தரத்தினாலும், அட்டகாசமான வடிவமைப்பினாலும் ஏராளமான இந்தியர்களின் விருப்பங்களைப் பூர்த்தி செய்திருக்கின்றன.

இந்நிலையில், ஹோண்டா அமேஸ்(Honda Amaze)கார் கடந்த மே மாதம் ஹோண்டா நிறுவனத்தால் விற்பனைக்கு அறிமுகம் செய்யப்பட்டது. விற்பனைக்கு வந்த மூன்று மாதத்தில் இதுவரை 30,000 கார்கள் விற்றுள்ளதாக அந்நிறுவனம் தெரிவித்துள்ளது. இது ஹோண்டாவின் விற்பனை வரலாற்றில் மிகப்பெரிய சாதனையாகும்.

Credit: Overdrive

கனவுக் கார்!!

முதன்முதலில் ஹோண்டா அமேஸ் கார் விற்பனைக்குக் களமிறக்கப்பட்ட நாடு இந்தியா தான். இந்திய வாடிக்கையாளர்களின் தேவைகளுக்கு ஏற்ற வகையில் அமேஸ் காரை வடிவமைத்திருந்தது ஹோண்டா நிறுவனம். காம்பேக்ட் செடான்(Compact Sedan) வகையைச் சேர்ந்த இந்தக் காரின் கவர்ச்சிகரமான புறத்தோற்றம், விசாலமான உட்புற வடிவமைப்பு, சிறந்த பாதுகாப்பு வசதிகள் போன்றவை வாடிக்கையாளர்களை வெகுவாகக் கவர்ந்துள்ளன. மொத்தம் 12 வேரியண்ட்களில் அமேஸ் காரை ஹோண்டா நிறுவனம் விற்பனை செய்து வருகிறது. அவற்றுள், பெட்ரோல் சிவிடி மற்றும் டீசல் சிவிடி வேரியண்ட்கள் வாடிக்கையாளர்களை அதிகம் கவர்ந்தவை ஆகும்.

அறிந்து தெளிக!!
விற்பனையான மொத்த அமேஸ் கார்களில் 30 சதவீதம் பெட்ரோல் சிவிடி மற்றும் டீசல் சிவிடி வேரியண்ட்கள் ஆகும். கடந்த ஆகஸ்ட் 1-ஆம் தேதி முதல் இ, எஸ், வி, விஎக்ஸ் உள்ளிட்ட சில வேரியண்ட்களின் விலையை 10,000-35,000 வரை ஹோண்டா நிறுவனம் உயர்த்தியது குறிப்பிடத்தக்கது. 

புதிய மைல்கல்!!

ஹோண்டா நிறுவனத்தின் ஒட்டுமொத்த கார் விற்பனை வளர்ச்சி 12.5 சதவீதம் அதிகரித்துள்ளது.

ஹோண்டாவின் இந்தியச் சந்தை வரலாற்றில் முதன் முறையாக, அறிமுகப்படுத்தப்பட்ட மூன்று மாதங்களில் 30,000 கார்கள் விற்பனை என்ற சாதனையை ஹோண்டா அமேஸ் கார் தட்டிச்சென்றுள்ளது. வேறு எந்தக் காரும் இக்குறைந்த கால இடைவெளியில் இந்த அளவு விற்பனையைப் பெற்றதில்லை.

bl27 DZire 5
Credit: Autocar India

இந்த ஆண்டின் ஏப்ரல்-ஜூலை கால கட்டத்தில், ஹோண்டா நிறுவனம் விற்பனை செய்த மொத்தக் கார்களின் எண்ணிக்கை 62,579 ஆகும். கடந்த 2017 ஆம் ஆண்டு இதே காலகட்டத்தில் அந்நிறுவனம் மொத்தம் 55,647 கார்களை மட்டுமே விற்பனை செய்திருந்தது. அதாவது 2018 ஏப்ரல்-ஜூலை காலத்திற்கான ஹோண்டா நிறுவனத்தின் ஒட்டுமொத்த கார் விற்பனை வளர்ச்சி 12.5 சதவீதம் அதிகரித்துள்ளது. இந்தியாவில் அமேஸ் காருக்கு கிடைத்துள்ள நல்ல வரவேற்பே இந்தச் சாதனை நிகழக் காரணம்.

new honda amaze 2nd generation
Credit: Overdrive

ஹோண்டா அமேஸ் காருக்கு கிடைத்துள்ள மிகப்பெரிய வரவேற்பு இந்திய வாகனச் சந்தையின் போட்டியை வேறு உயரத்திற்கு எடுத்துச் சென்றிருக்கிறது. அமேஸ் காருக்கு பிரம்மாண்ட ஆதரவை வழங்கிய இந்திய வாடிக்கையாளர்களுக்கு ஹோண்டா நிறுவனம் நன்றி தெரிவித்துள்ளது.

NeoTamil.com - ல் எழுதப்படும் கட்டுரைகள் DMCA Copyright பெற்றவை. பதிவுகளை நகலெடுத்தல், தழுவுதல் ஆகிய செயல்களைக் கட்டுப்படுத்தக்கூடியது. பதிவுகளை பிற தளங்களில் அல்லது வடிவங்களில் (Audio, Video) பயன்படுத்த NeoTamil.com -ன் அனுமதி பெறுவது அவசியம்.

NeoTamil on Google News

அறிவியல், விண்வெளி, தொழில்நுட்பம், ஆராய்ச்சிகள், நிபுணர்களின் ஆலோசனைகளை தமிழில் பெற பேஸ்புக் மற்றும் ட்விட்டரில் NeoTamilஐ பின் தொடருங்கள். 

Get your daily dose of positivity by following NeoTamil’s Facebook page and Twitter.

Subscribe to our newsletter

To be updated with all the latest news, offers and special announcements.

- Advertisment -

Subscribe to our newsletter

To be updated with all the latest news, offers and special announcements.

Must Read

karunanidhi-against-new-education-policy-2015-2020-1

கலைஞர் கருணாநிதி கூறிய 39 பொன்மொழிகள்

அடிமையாக இருப்பவன் தனக்குக் கீழே ஓர் அடிமை இருக்க வேண்டும் என்று கருதினால், உரிமைகளைப் பற்றிப் பேச அவனுக்கு உரிமையே கிடையாது.தேன் கூடும், கஞ்சனின் கருவூலமும் ஒன்றுதான். காரணம், இரண்டுமே அவற்றை நிரப்பிட...
- Advertisment -
error: Content is DMCA copyright protected!