பச்சோந்தி ஊர்வன வகையை சேர்ந்தது. 150 இனங்களில் உள்ளன. பல்லி குடும்பத்தை சார்ந்தது. ஊனுண்ணி. பச்சோந்திகள் பெரும்பாலும் பச்சை நிறத்தில் இருப்பதால் பச்சோந்தி என்று அழைக்கப்படுகின்றன. பச்சோந்திகள் தாங்கள் இருக்கும் இடத்திற்கு ஏற்றாற்போல் தங்கள் உடலின் நிறத்தை மாற்றிக்கொள்ளும்.
வகை : ஊர்வன
குடும்பம் : பல்லி
உணவு : ஊனுண்ணி
வாழ்நாள் :12 ஆண்டுகள் (இனங்களை பொறுத்து வேறுபடும்)
பச்சோந்திகள் ஏன் அடிக்கடி நிறத்தை மாற்றுகிறது?
பச்சோந்திகள் பயந்த சுபாவத்தை கொண்ட உயிரினம். பச்சோந்திகள் துணையை ஈர்ப்பதற்காக நிறங்களை மாற்றுகின்றன. உடல் வெப்பநிலையைக் கட்டுப்படுத்துவதற்கும் அல்லது ஊடுருவும் நபர்களை விட்டு விலகி இருக்கவும் நிறத்தை மாற்றுகின்றன.
பச்சோந்திகளின் கண்பார்வை
பச்சோந்திகளுக்கு ஒரே நேரத்தில் இரண்டு திசைகளையும் பார்க்கக்கூடிய கண்கள் உள்ளன. 180 டிகிரி கிடைமட்டமாகவும் 90 டிகிரி செங்குத்தாகவும் பரந்த பார்வையை செயல்படுத்தவும் முடியும். கண் பார்வை தனித்தனியாக நகரும், இதனால் ஒரு கண் முன்னும் மற்றொன்று பின்னும் பார்க்க முடியும். அதாவது பச்சோந்தி தனது சுற்றுச்சூழல் இரை மற்றும் வேட்டையாடுபவர்களுக்காக தொடர்ந்து கண்காணிக்கவும் செய்யும். மொத்த பார்வை புலம் 342 டிகிரி, தலைக்கு நேரடியாக 18 டிகிரி குருட்டு புள்ளி உள்ளது.
பச்சோந்திகளின் நிறங்கள்
பச்சோந்திகள் சிவப்பு, பச்சை, நீலம், வெள்ளை, ஊதா மற்றும் பலவற்றை உள்ளடக்கிய பரந்த அளவிலான வண்ணங்களைக் காட்ட முடியும்.
பச்சோந்திகளின் நாக்கு
பச்சோந்திகளின் நாக்கு மின்னல் வேகமானது. மணிக்கு 0 – 60 மைல் வேகத்தில் நகரும். பச்சோந்திகளின் நாக்குகள் அவற்றின் உடலை விட இரண்டு மடங்கு நீளமாக இருக்கும். அவைகளின் நாக்கு தசைகள் மற்றும் எலும்புகள் இரண்டையும் கொண்டுள்ளது. இரையை சுலபமாக பிடிக்க முடியும். பச்சோந்திகளின் நாக்குகள் மிக விரைவாகவும் சக்தி வாய்ந்ததாகவும் இருக்கும். ஒரு நொடிக்குள் தங்கள் இரையைப் பிடிக்க முடியும். இரையினால் தப்பிக்க முடியாது.
பார்சன்ஸ் பச்சோந்தி (Parson’s Chameleon)
மிகப்பெரிய பச்சோந்தி பார்சன்ஸ்(Parson’s) பச்சோந்தி ஆகும். இது 27 அங்குலங்கள் வரை வளரக்கூடியது. மிகச்சிறிய பச்சோந்தி ப்ரூகேசியா மைக்ரா (Brookesia micra) என்று அழைக்கப்படுகிறது. ப்ரூகேசியா இனத்தில் 30 வகையான பச்சோந்திகள் சிறியவை. பெரும்பாலும் பழுப்பு நிறமுடையவை. நிலப்பகுதிகளில் வாழ்கின்றன.
வெட்டுக்கிளிகள், புழுக்கள், வண்டுகள், ஈக்கள், கரப்பான் பூச்சிகள் போன்றவற்றை உண்டு வாழ்கின்றன.
பச்சோந்திகளின் இனப்பெருக்கம்
பெரும்பாலான பெண் பச்சோந்திகள் தங்கள் முட்டைகளை இடுவதற்கு ஒரு துளை தோண்டுகின்றன. கருக்கள் முட்டையில் உருவாகின்றன. இந்த முட்டைகள் குஞ்சு பொரிக்க 4 முதல் 12 மாதங்கள் வரை ஆகலாம். சிறு பச்சோந்திகள் வயது வந்த பச்சோந்திகளின் சிறிய பதிப்புகள் போல இருக்கும். பார்சன்ஸ் பச்சோந்திகள் சில முட்டைகள் குஞ்சு பொரிக்க 24 மாதங்கள் வரை ஆகலாம். முட்டைகளின் எண்ணிக்கை இனத்தைப் பொறுத்தது. மேலும் 2 ,3 முதல் 200 வரை முட்டைகளை இடலாம் .
பச்சோந்திகளின் வாழ்விடம்
ஆப்பிரிக்காவின் பிரதான நிலப்பகுதியிலும் மடகாஸ்கர் தீவிலும் வாழ்கின்றன. சில இனங்கள் வடக்கு ஆப்பிரிக்கா, தெற்கு ஐரோப்பா (போர்ச்சுகல், ஸ்பெயின், இத்தாலி, கிரீஸ்) மத்திய கிழக்கு, தென் இந்தியா, இலங்கை மற்றும் மேற்கு இந்தியப் பெருங்கடல் பகுதிகளில் வாழ்கின்றன.
பச்சோந்திகளின் வாழ்நாள்
பொதுவாக, பச்சோந்திகள் நீண்ட காலம் வாழாது. சில 10 ஆண்டுகள் வரை. சில 2 வயதுக்கு பிறகு இறந்துவிடும். பெரும்பாலானவை காடுகளில் நீண்ட காலம் வாழலாம்.
Also Read: உடும்பு பற்றிய வியக்கவைக்கும் 10 தகவல்கள்!
